Utan við Mónesfjörur tekur Grenisandur við. Utan við hann er klettanef sem gengur út í sjó og heitir Marteinsbrík. Klifur niður í Marteinsbás að austan verðu, hálar klappir og ófært í brimi.
Eftir Grenisandi er best að ganga á fjöru og sem lengst frá bergstálinu, en líparít klofnar auðveldlega og hætta er á steinkasti. Það gildir líka um Marteinsfjöruna norðan við Brík.
Um þetta svæði er ráðlegt að fara í fylgd leiðsögumanna.
Marteinsbás geymir í bergstálinu koluð tré frá Tertíer tímabili jarðsögunnar og undurfallega náttúru.
