Árið 1901 var reist hvalstöð á Sveinsstaðaeyri og var hún rekin þar til 1913. Veiddir voru alls 1243 hvalir, mest fyrstu árin. Flestir voru sjö hvalbátar gerðir út frá hvalstöðinni.
Eigendur stöðvarinnar smíðuðu bryggju út af Sveinstaðaeyri og sjást smá trjábútar sem tilheyrðu henni á fjöru. Hvalskipin voru stór og djúpsigld.
Hvalstöðin var flutt frá Stekkeyri við Hesteyrarfjörð á Vestfjörðum. Eigendur voru Brödrene Bull frá Túnsbergi í Noregi. Þeir seldu hana 1906 skosku fyrirtæki Chr. Salvesen & co, en Marcus Bull stýrði áfram rekstrinum.
Árið 1915 bannaði Alþingi hvalveiðar við Ísland með lögum.
Í Sjóminjasafninu á Eskifirði er til líkan af hvalveiðistöðinni í Hellisfirði smíðað af Geir Hólm. Ýmsar minjar er að finna á Sveinstaðaeyri.
Smári Geirsson sagnfræðingur ritaði bók sem heitir Stórhvalaveiðar við Ísland til 1915. Þar er mikinn og girnilegan fróðleik að finna. Bókin kom út hjá Sögufélaginu 2015
